2005年07月30日
初次接觸NBA嘅原因係小六個陣有個friend睇NBA
話自己鐘意鷹隊
個時對NBA一D認識都冇，求其睇下報紙
就話自己鐘意黃蜂
之後發現ATV有轉播同NBA地帶
當時狂播公牛，所以自然地鍾意公牛
佐敦成為我支持對象
不過，柏賓、洛文、古高同卡爾都好掂
佐敦退休後
76人變咗我第二個追捧目標，艾佛遜成為我嘅最愛
直到現在
不過NBA有成30隊，大把球星
加上哩幾年玩NBA Live 同 Yahoo 數據game
仲有bt、coolstreaming睇波
了解多咗，鐘意嘅球隊都多咗
總括一句—I love this game now and forever!!!
WWF - 世界摔角大聯盟，個名幾威呀。不過轉咗WWE(World Wrestling Entertainment)之後，唉……
初次接觸摔角，係明珠暑假播大賽King Of The Ring
之後先開始留意，追明珠嘅播映
後來d friend 話原來明珠播咗好多年，先知自己幾out
但係無幾耐之後明珠無賣播映權
失望之際，忽然發現有得買碟
所以變成咗買碟追摔角時期
之後，對摔角熱誠漸減
變成只買大賽
直至知道有bt download 之後，先完結
而家每月大賽都維持有睇
好多人話摔角好假、唔知有乜好睇
雖然我都知有時係幾假
但是，摔角本身都係娛樂
唔係叫D摔角手賣命
仲有，摔角始終都有身體碰撞
就算點就位，都有勞損
試過有摔角手傷足成年，提早退休都有好多例子
從出場音樂，口頭禪，觀眾熱情反應到故事綫
一切都係吸引我嘅地方
只要繼續有好比賽，有得down
摔角暫時是不會離棄的了
2005年07月26日
Orange Days 講述嘅係五個處於學生及工作之間嘅大學時期嘅青年
酸酸甜甜就係用嚟形容哩段日子
大家逐步模清自己嘅目標而努力
漸漸體會到未來社會生活嘅可怕
大家不期然了解到享受一起嘅日子的重要性
為珍惜這段日子，五人之橙の會成立
另外一個重要賣點當然係柴崎幸飾演有聽覺障礙，亦因而不敢說話嘅沙繪
作為一流小提琴家，卻被殘障影響
以堅強外表、野蠻性格掩飾軟弱嘅內心
被命運捉弄嘅悲運少女
當然，作為日劇，愛情原素是不能缺少
妻夫木聰飾演櫂，係故事嘅主人翁
一個善良喜愛幫助別人嘅角色
為沙繪一直著緊
從關心至戀愛成為本片主軸
睇落簡單嘅發展，當中其實穿插咗不少介入者
令到段戀情發展非常崎嶇……
纱繪同櫂都需要跨過好多心理關口
蠻不喜歡的
不過，對劇情推進都有一定作用
整體都係不錯嘅日劇
中間有少少拖，不過唔嚴重
節奏都ok 尤其是最後個ending，拍得非常非常好，加分！！！
配樂方面，Sign - Mr. Chidren為主題曲，為Orange Days度身訂造，幾好聽
其餘配樂同劇情都幾match
但係冇邊首深刻
睇完Orange Days，對未來有D憧憬，又有D傍惶 變數好似有好多哩……
不過，啟發到我們要珍惜這段踏入社會前嘅歲月，屬於我們的酸酸甜甜嘅Orange Days
2005年07月24日
如果你留意我响mocasting 嘅登記名會發現係anthonyhi
無錯，anthony就係我英文名
雖然，習慣上叫我阿鋒會好好多
本篇就講下anthony 呢個名嘅起源啦
記得小學生時期，老師要求我地改英文名
好認真地查字典英文名個欄
想起個帥氣D嘅名
最後，印象中喺不情願嘅情況下
改了一個簡單名S A M
中學時期，第一年好似無用英文名嘅需要
當第二年老師又要我地供出英文名
喺我想擺脫SAM心目中又無更好選擇嘅同時
決定見步行步……
到我o個陣，非常猶疑（給人感覺應該係dum波鐘）
全班都不耐煩之下
變o左全班議論大會
隔o左唔知幾耐，Final Answer: Anthony
只需我一個點頭，就確認o左
F.6曾經諗過改名
不過，忽然發覺anthony已活在我嘅世界
e-mail,forum 都用anthony開頭
基於有其他人已漸漸發覺呢個名及改名繁複麻煩
就當係緣份啦
安東尼，似乎不會改的了
2005年07月23日
近日本地電視/電影感覺都不大吸引，日常生活已漸漸全然與日本有關……
日劇方面，剛睇完Orange Days，完美嘅ending 啊，稍後詳細報告
追看中的，首推電車男，超搞笑啊，期待第三回
藉著雨點說愛你，沒預期o甘好，不過應該會繼續睇
龍櫻，凖備睇
日影方面，準備睇天國之戀火
超期待籍著雨點說愛你出碟，感覺上不買不行
兩部都係結子啊
電車男、下妻物語，都蠻想看
動漫方面，有點停滯
動畫算追緊有神是中學生、Speed Grapher
TVB播緊嘅Monster、鋼鍊、星夢
重有好多未睇晒……
漫畫都係岸本兩兄弟—狐忍同666
網王、鋼鍊、Death Note好似未睇幾期……
音樂方面，之前winMX顯示唔到日文，有問號嘅就down唔到……
而家揾到網站有PV down 重有另一個主要係日文mp3 down
沉醉中，注目：Orange Range 、 大塚愛
由於本篇關係，原計畫好嘅安東尼之緣會順延
日文PV/其他語言MV: http://bestyz.com/
日文mp3: http://www.jmp3.net/index.php
2005年07月21日
The Girl Next Door(簡譯GND)講嘅係平凡優等學生巧遇鄰家四仔女星再發生一連串嘅事
聽落好唔正經下嘛，咪住，等我解釋下何謂非一般嘅美國電影啦
呢個就係男主角MATTHEW
身為一個成績卓越嘅優等生
對I’ll always remember… 卻摸不著頭腦
成績卓越，老師心目中嘅模範生
換來的是日常平凡得要緊嘅生活
呢個就是女主角，
MATTHEW就對佢一見鐘情
恰巧地MATTHEW又見到她換衫
她發覺後即刻拉MATTHEW出街
作為等價交換，呢個就係佢嘅懲罸
“what’s the craziest thing you’ve done”
一語道破MATTHEW心底嘅話
接著就係MATTHEW未想像嘅生活
開心地與她渡過
直至知道佢係四仔女星
MATTHEW情慾蓋過理智，分手是唯一答案？
佢選擇重拍四仔
MATTHEW欲阻止
經理人一句“what do you think you’ll do?”
對MATTHEW是一盆冷水
MATTHEW點堅持?
對MATTHEW非常重要嘅獎學金晚宴
MATTHEW卻因藥丸副作用而狂犯錯
一句“Just To Go With It”(隨遇而安)
MATTHEW決定捨棄講稿，即席演講
“JUICE WORTH YOU TO SQUEEZE”
換來全場掌聲，但又會否換來獎學金？
最後結局係點，希望大家自己欣賞啦
GND出色嘅地方，在於揉合搞笑同認真於一片
搞笑在於一D美國招牌嘅瘋狂橋段
認真在於全片帶來對人生嘅反思
努力讀書，活在自己嘅世界，鄙視他人嘅生活是對嗎？
何謂有意思嘅生活？
終於完成這篇長文
希望某人會被感染吧
本人誠意推介鄰家女優/The Girl Next Door
平時常說乜o野風吹你黎呢度呀？
所謂風之部落，就是以風代替緣份
而緣份會莫明奇妙地將人拉近，我是堅信的
這部落大概是反映我嘅世界
人與人是互動的，我亦不斷受周遭改變
我希望將我對某些事、物及人作一個記錄
亦幫下經常唔記得o野嘅我重溫
日後看回，感覺會一樣嘛？
會閉站嘛？
相信不會
就算極少人氣都好……
隨非mocasting摺左啦
(0)