風之部落

雖然，我唔係高比嘅fans
不過，佢坽到81分實在令人太驚嘆
亦成為NBA史上第二高個人得分記錄，僅次張伯倫極限之100分
雖然，我都唔會對高比好感大增
不過，都會以大O，狂WoW認同佢嘅
81實在太太太顛啦‧‧‧
艾佛遜好好加油啦!!!

另外，係同一日，超音速對太陽
兩隊鬥搶分於二次加時下
拎到152:149嘅驚人數字
加埋拎o左301分，自九五年最高兩隊合計得分記錄
唔止哩樣，兩隊仲以接近五成命中率狂插三分
合計投出67個三分入咗32球，打破舊有記錄

見到o甘驚人嘅數字，贏或輸都無緊要啦

喺雞年我嘅健康運真係唔係o甘好
得閒又頭暈發燒，感冒發作
送雞迎狗，希望身體健康D哩

哩排我又重拾對WWE嘅興趣
主要係因為WWE Fantasy 同 frd 嘅影響
而家，WWE叫好睇番D啦
雖然，好多人都停留係懷念巨星The Rock，Stone Cold，Bret Hart，Goldberg等嘅階段
不過，時間係動嘅，嘗試睇多D新仔比賽，話唔埋佢地會有成為legend嘅潛力
況且，而家Smackdown有WWE最強摔角手Kurt Angle坐陣做 Champion
有佢喺度活躍，賽事都正好多

P.S. RVD 就快復出，加油！！！

上週最重要就係開始Sem2
雖然，week1都係無無聊聊o甘又end o左
不過，可以睇下導師d質素
可惜‧‧‧‧‧‧

基本上六個lecturer都有2個稍好ge
Account o個 miss
老老地，不過都搞野ge，最深刻係叫我地投資，買下股仔駁下運氣
哈哈，如果有資金我都會ge‧‧‧
AMAo個o個超認真o甘
狂寫黑板，D人又狂抄
不過，事實上又好似教得幾頁only

話o甘快又睇晒三分神射手
最後一集la,睇完後‧‧‧
感覺: 好空虛!!!

忽然無野做ge星期日
更新下mp3 D 歌
得256Mb，真係少D planning 都唔掂
仲有有D mp3 read唔到，要delete番，有時又transfer error
話o甘快又消磨o左好多時間

年宵因為少少誤會
居然兩日都係早更
基本上勁少人會朝早去lor
真係《睇》檔居多啦
我唔介意走堂，不過都非常唔想齎吹西北風呀!!!

終於第一輯播完左(香港)
標榜不善交際嘅男高材生同討厭學習嘅美女組合
琴晚正式曲終人散

整輯都好有可觀性
o個concept又夠新
逐漸地會投入起o來

每集用問答決定淘汰邊o個
開頭覺得幾悶
不過，睇睇下又好剌激wor
尤其最後o個場
兩隊分開答
第一隊10中8
第二隊開頭連錯兩條，居然狂追平手
雖然第一隊都贏o左25萬美金，不過，真係好剌激

不過，比賽輸贏其次，過程最緊要
見証佢地嘅改變
表現唔同type嘅人只要放膽嘗試相處
一切都有可能!!!

雖然知道有第二輯
不過，新鮮感會大減了
而且，齎睇相女參賽者美女度大減
加上無o左上圖左男參賽者超富娛樂性嘅Richard
講左o甘多，其實最重要係香港會唔會播先真

隨著sem 2 開始
漫soc開畨
又係K書嘅時候
繼續睇神龍之謎(達爾大冒險)

睇嘅時候又一心二用o甘開住日劇睇
睇完西遊記同輪舞曲第一集
前者唔想再睇第二集
後者就較好，劇情吸引D
崔智友同竹野內豐雞同鴨講嘅時候都幾搞野

同一時段，三分神射手都睇到尾聲
講起哩本小說，背後對o黎講都有段故
遲D可以同大家分享下ge

就快到年宵擺檔嘅日子
緊張得黎要好好享受哩幾日可以睡眠充足嘅日子先得!!!

期待已久嘅白夜行，終於睇咗第一集

經過開場桐原亮司(山田孝之)& 唐沢雪穗(綾瀨遙)現時一段戲後
就進入本集主題 — 回憶
11歲的亮司(泉澤祐希)偶然遇上雪穗(福田麻由子)
本來不愉快嘅生活因對方而綻放笑容
可惜雪穗媽因欠債不惜出賣雪穗身體
偏偏賣家係亮司爸爸‧‧‧

亮司偶然撞破亮司爸&雪穗’s於破工場的交易
一怒下竟殺死爸爸
堅強嘅雪穗若無其事，想自我承擔一切
諗住嫁禍俾媽媽而且一起自殺
媽媽死了，她卻倖存下來
背負悲運遠走他方
直至七年後重返家鄉
以為一切完結，當日負責調查嘅警探笹垣潤三(武田鉄矢)卻依然緊纏‧‧‧
亮司雪穗背負沉重命運前進

今集主要講Background
所以差不多所有發揮機會都落在主角童年時期嘅角色身上
少年亮司、雪穗表現都好好
今集過後就應該唔會再有佢地嘅演出了
整體上不錯嘅第一集
期待第二回亮司、雪穗嘅再度相遇!!!

護士葵第一回講美空葵(石原里美)因某原因
由一流醫院急救組轉去三流醫院
醫院內大部份醫護人員都毫無勁兒
只有一兩個係較好
充滿熱誠嘅葵決心醫好所有有需要嘅病人

第一回真係唔錯
有D知人口面不知心嘅場面
都算本集重點
而外表沒勁嘅反而係好靠得住嘅
今集埋咗好多伏線
好想睇第二回呀

圖轉自麻辣論壇

簡介:
一個頭腦好運動強嘅15歲少女池內亞也(沢尻エリカ)
又有做家庭保健師媽媽安排健康配答的三餐
偏偏被無冶療方法嘅絕症「脊髓小腦病變症」揀中
手腳會漸痿縮，漸漸失去活動能力
說話會變得不清、至不能說話為止‧‧‧
智力卻能維持
最後小腦細胞壞死而逝世
一個堅強面對殘酷疾病煎熬嘅少女的故事 — 一升的眼淚
(真人真事改編)

演員嘅演繹非常真摰
亞也 - 沢尻繪里香(沢尻エリカ)拎埋女新人獎
肯定佢嘅演技
當然，從旁努力鼔勵的亞也媽媽
演技都非常不得了，感染力十足
飾演亞也妹亜湖嘅成海璃子
亦把握了發揮機會
教訓弟弟那場真係很強

配樂可能參考咗韓劇，多了插播歌曲
選了三首歌Only Human - K, 粉雪 & 3月9日 - レミオロメン
三首都不錯嘅歌，插入時間都好配合劇情，順便又sell歌
可能受插入位嘅影響，令我最愛粉雪哩首

一升的眼淚一開始就表明係悲劇劇種
第三集後，病情就惡化，要退出籃球社
之後逐集逐集病魔無可憐亞也，不停摧殘她
雖然可悲，但係就反映了現實
為不幸被各種頑疾嘅病人提供了面對方法同勇氣
承認現實，積極地面對
在旁嘅家人/朋友則全力支持她
身為普通人，亦能感到健康嘅可貴
同時有責任幫助他人

如果你未睇
我會叫你做足流下一升的眼淚嘅準備
把這套真實刻錄嘅感人奮鬥故事看完去吧!!!

好輕鬆o甘完成一週
近日訓到好晏，好凍呀x10，完全唔想出街
真係唔想離開被窩‧‧‧

話o甘快下週冬季日劇就推出啦
發現白夜行被某字幕論壇選為最想譒譯嘅冬季日劇
興奮啊!!!
好有機會集集追嘅作品

開始睇一升的眼淚
為人帶來無比悲痛嘅作品‧‧‧
應該好快會睇曬

睇返西遊記(周星馳版)
雖然重睇N次
不過，笑位仍然好正，感動位仍然o甘出

玩唔到明星志願3
玩返明星志願2000
好快就可以爆機
不過，可能因為o甘，先令人有動力不斷重玩
因為實在有太多唔同嘅結局啦

打羽毛球 & Bowling
算舒展下筯骨啦