風之部落

由九月計起，到今日終於到10000
雖然其他人’s blog 可能好輕鬆就搞掂
不過，都值得寫篇文記念下ge

首先講下頭五最高點擊率文章(確實地噤落去篇文入面)

1. (日劇) 電車男中期報告
2. (日劇)電車男卒業
3. (日劇)電車男—最後之反擊
4. (日劇)Orange Days — 酸酸甜甜的青蔥歲月
5. America’s Next Top Model

其實好大機會係俾人bookmark 咗哩幾篇文先特別高擊
不過，好簡單顯示咗電車男嘅威力(感謝Densha)
順便一提，無線今年內會播電車男
Orange Days 都真係幾好睇ge, 尤其o個 perfect ending
America’s Next Top Model…(好大機會bookmark所致)

從今後，會繼續同大家分享好嘢
同埋會加D個人嘅嘢
繼續支持
得閒黎下
感謝各位

Next goal: 50000 HITS

秋季日劇就完，唔知點就係沒勁睇
危險姊姊，睇完一集無睇
流星花園，去到第三集Stop咗
1公升之淚，好評如潮，不過，都仲係未接觸
但係，可能有機會遲D全套KO返

不過，冬季就唔同，起碼有兩套好吸引下嘅日劇(對我)

一、「白夜行（びゃくやこう）」（白夜行）

有關資料:
山田孝之、綾瀨遙再度搭檔配對
新生代演員山田孝之與綾瀨遙在日劇版「在世界中心呼喊愛」中的搭檔讓人記憶猶新，
而兩人又將在明年TBS新劇「白夜行」中再次合作。

「白夜行」是改編自東野圭吾的同名懸疑小說，描述面對殘酷命運的男女主角互相扶持一同生活…。

山田孝之對於這次的角色表示「主角過著無法想像的人生，現在開始已經有點感到壓力了。」
而同樣挑戰困難角色的綾瀨遙也說「有不小的壓力，會投入感情用心去演。」
「白夜行」故事描寫在過去少年時期，
男主角亮司的初戀對象－雪穗被她母親逼迫賣淫，
亮司又撞見自己父親向雪穗買春，他為了保護雪穗而殺害了父親，
而雪穗同樣為了庇護亮司也殺了自己母親。
之後亮司為照顧雪穗毅然決然投身黑暗之中，犯下數起罪行…。

我嘅期待原因:
有睇日劇版「在世界中心呼喊愛」，都會知道點解o甘值得期待
山田考之平時木木訥訥，但係喊起上黎好勁
感染力十足，感情戲絕對信得過
綾瀨遙，演技方面，亦係沒話說的
再加上o甘悲運式嘅劇本
應該催淚能力爆滿
敬請期待

二、「Ns’（ナース）あおい」（Ns’（護士）葵）

有關資料:
石原里美首次主演連續劇　新戲中詮釋熱血護士
新生代人氣女星石原里美首次挑大樑主演連續劇，
今年高中畢業的她在新劇中也跳脫了一貫的學生角色，
在戲中化身熱血護士。新劇改編自漫畫「Ns’葵」(直譯)，
內容真實描述了醫院的各種弊端，以及在這個體制下努力奮鬥的女護士－美空葵。

石原里美曾演過大河劇「義經」、以及「水男孩2」、「Ｈ2」等知名日劇，
亦主演過特別劇「赤色疑惑」，也曾在電影、NHK晨間連續劇擔任女主角，
卻是初次在日本民營電視台中主演連續劇。
石原里美說希望以這部戲踏出身為女演員新的一步，也請大家為他加油

我嘅期待原因:
簡單嚟講，係石原里美
H2中活潑開朗形象令人著迷
雖然佢把聲係少缺點‧‧‧
加上劇本由漫畫改編，唔會好爛啩
護士服版石原里美嘅演出，令人衷心期待

同時加上石原里美’s相於多媒體
有興趣可以睇下

原文 — MT3204 — 2005-12-09 19:36:46

(20397.jpg )好人卡

「好人卡」

你是一個好人！」「你是一個很好的人！」這些話對於一般人來是稱讚，但對於時下7年級青少年來說，得到這句話卻代表著表白失敗、失戀的開始。

為何「你是一個好人」是代表失戀的開始？原來在網路討論區裡有人貼出告白失敗的文章，當男主角向心儀已久的女主角告白後，女方並沒有直接拒絕，而是以「你人很好，我不想破壞這種關係」應付，雖然沒有直接說「NO」，但也間接拒絕男生的愛意。因為不少人都有過這種經驗，並且在網路上附和，於是「好人」變成這些男生最不想從女生口中聽到的一句話。

當好人 要有天分

或許因為卡片遊戲漫畫的影響，在網路上開始有人把女生以「你是一個好人」、「你是一個很好的人」或「你人很好」拒絕表白說詞以「好人卡」來代表，也就是說當有人說他自己收到一張「好人卡」或被「好人卡」攻擊時，就是表示他被女生以類似的說法拒絕。

有位化名阿狗狗的網友還整理出自己的心得，要當好人是有要天分的，像是在午夜夢迴時，接到喜歡的人來電，不管她是肚子餓還是肚子痛，一定會風塵僕僕趕過去；當她心情不好，會擔心，會難過，會想辦法讓她笑；當自己難過時，她沒感覺，她沒安慰，當彼此的感情越走越近、越來越好，可是卻只是友情而非愛情。

兄弟姐妹 也有卡

不過「好人卡」原本只是用在表白被以「你是好人」、「你是很好的人」、或是「你人很好」拒絕時，但在討論區卻慢慢被濫用，現在一些喜歡惡搞的人，只要在日常生活裡有異性對他說出「你是好人」等類似的話，就代表收到一張「好人卡」，甚至開始在比誰收到的「好人卡」張數最多（也就是被拒絕次數最多）。

不過除了「好人卡」之外，網友們也發揮出創意，開始有「兄弟卡」、「姐妹卡」出現，因為很多女生向男生主動告白時，如果男生對她沒有好感，最常用的就是「我只把你當哥兒們來看待」、「我對你的感情就像親妹妹（或親姐姐）一樣」來拒絕，不過，或許男追女隔座山、女追男隔層紗，在網路上發表收到兄弟姐妹卡的女網友並不多。

十大婉轉拒絕告白說法

一、你人很好（你是一個很好的人），我不想破壞這種朋友關係。
二、比起當情人，我覺得我們比較適合當朋友。
三、我對你的感情就是親哥哥（或弟弟、姐姐、妹妹）一樣。
四、不好意思，你不是我喜歡的類型。
五、剛結束上一段戀情，現在只想一個人生活，暫時不想談戀愛。
六、現在課業（工作）很忙，不是談戀愛的好時機。
七、對不起，我現在已有喜歡的人。
八、謝謝你的錯愛，我只喜歡男生。（男生說法）
謝謝你的錯愛，我只喜歡女生。（女生說法）
九、現在還年青，還不是談戀愛的時候。
十、我父母反對與同姓（差3歲、不同宗教信仰）的人交往。

經典對白
雖然我無收過，但係為收過嘅人感嘆息

不過，令我記起Orange Days
瑛太收完好人咭，成功寬貴同瑛太講嘅嘢
太概指好男人，喺三十歲就會好渴市
好人最終都會有收獲嘅
(不過，你有冇等到三十歲嘅耐力??!)

好耐無post文，唔係忙，只係懶
惟有將幾樣嘢夾埋一齊講

玩NBA Live，但係畫面黑漆漆
地板&其他綫都顯示唔到
可能係顯咭嘅問題啦‧‧‧

NBA大變革
衣著要求提高咗
整到NBA球星玩埋fashion
上圖為太陽首席控衛Steve Nash，幾型!!!

亞記播巴黎戀人，暫時收看中
其中金晶銀係好大嘅推動力
散發特別嘅味道

聽日明珠台The Amazing Race 就完，一定支持
之後播嗰個Beauty and the Geek，好似幾過癮，應該會睇下
另外，星期六The Apprentice 又返嚟la，唔知Donald Trump 有冇乜新搞作la?

星期二預祝Him生日，佢20 la
雖然我20 jor 好耐下
整個慶祝最經典係中jor四川o黎嘅辣椒
真係噴晒火，一試難忙‧‧‧
同日日文正式完結，進階，有機會先再報la
而且之後果日要test,溫咗少少就出街
瓜咗，我都絕對唔驚訝‧‧‧

在世界中心呼喊「對不起」！
Source: MAKOTO RAKUEN BLOG
超級爆笑(for 睇過在世界中心呼喚愛電影版嘅人)
真係感謝makoto 大大share

冬日好似真係o黎LA,
根據香港天文台於2005年12月02日16時31分發出之天氣報告
星期日開始會低過20℃
星 期 日 14 至 19 度
星 期 一 12 至 15 度
星 期 二 11 至 15 度
星 期 三 12 至 16 度
星 期 四 14 至 18 度
星 期 五 15 至 19 度
最低去到11℃
睇黎大家都要凖備出動大褸LA

Fantasy NBA 出現o左System error
造成好多疑問
不過過o左就算la，希望以後咪發生

琴日，多謝信嘅意見
令我朝著過癮好玩科嘅方向submit o左Jupas choice
雖然，好不爽地因為揀科超時要再慢慢click多次‧‧‧
1
CITYU
1456 BA (Hons) Creative Media
2
POLYU
3569 BA (Hons) in Design  
3
HKBU
2670 BSSc (Hons) Communication - Digital Graphic Communication
忽然間好有衝勁想K.O.中文
既然全港有9X%人都pass 到，連炒兩次嘅機會應該好微o掛
HOPE SO LA‧‧‧

呢排多咗睇人D blog
有D好嘢推俾大家

<<最終兵器彼女>>真人版預告
Source: 千日紅部落
哩套係我好少自down又睇晒嘅動畫
雖然我唔覺得真係好好睇，but 唔知點解睇得晒
講返個預告，好有動畫feel，D效果真係幾真

你的blog長出什麼花？
Source: 吃喝玩樂
我個blog’s 花

都幾靚LA

漫Soc 收櫃LA
今個Sem借咗75本(包括重複借果D)
死神BLEACH 去到11，頭幾期個人覺得無o甘好睇
去到榴亞被人捉咗，就開始好好多(個人意見only)
睇返達爾大冒險(神龍之謎)，去到5
雖然睇睇下都記返晒D劇情，不過都幾有feel
當然唔少得Eye shield 21
1-12 & 外借13-14，剩15就追到進度
熱血+爆笑
未睇嘅絕對要撲o黎睇下

日文Level 2 test，o係最low o個range
話我報要好努力‧‧‧
輔學轉投地理

JUPAS 俾o左錢後無搞過
2/12就dead‧‧‧

夏季日劇大家都將目光重點投向電車男度(包括我)
忽略咗最終回收視以0.2%(25.5%)擊倒電車男嘅女王之教室!!!

劇情簡介
一個好似由地獄o來嘅教師阿久津真矢(天海 祐希飾)做咗小六班主任起
用嚴苛嘅教學方法(唔俾人去廁所，測驗斷定一切，同佢對抗要受罰，一個人做錯全組受罰‧‧‧)
令全班厭惡
神田和美(志田 未来飾)為人和善
需然受欺壓亦一一捱過
仲以小學最後一年創造美好回憶為目標
漸漸地全班受她感染開始團結起o黎與老師對坑‧‧‧

女王之教室(簡寫女王)真係有種非凡嘅魅力
一睇就停唔到，話o甘快睇晒
其實女王都幾恐佈下
拍攝組好強o甘營咗到一場場好有迫力嘅場面
氣氛好強烈，加上天海祐希一副完全冰冷嘅演技
真係厲害得不得了
當然一班小演員卓越嘅演出不得不讚

配樂相當出色，配合天海祐希出場，真係有窒息感覺(汗‧‧‧)
另外，好彩o個片尾曲EXIT-EXILE配合天海祐希&一大群人跳舞
有種抒緩氣氛嘅作用，每集都忍唔住睇晒佢

有人話最好睇係最後兩集，我都有D認同嘅
但係，如果無一齊經歷之前嘅苦
又點會感受到最後嘅喜悅?
強力推薦
女王之教室!!!