2006年02月12日
故事簡介:
達也 & 和也 係孖生兄弟同淺倉南(長澤雅美 飾演)自細一齊玩
細細個就鐘情棒球，以去甲子園為夢想
和也係明青高中嘅首席投手，達也則經常沒勁
可是，小南卻喜歡大哥達也
和也帶領明青高中殺入縣決賽
只差一步便可踏足甲子園
可惜，因交通意外身亡‧‧‧
達也決定將和也同小南 & 自己嘅夢想
去甲子園完成
苦練球技，終去到縣決賽
夢想就在咫尺‧‧‧
整體都唔錯
中間有D拖，有D悶
但係最後個場，氣氛營造得好好，好刺激
配樂做得唔錯
插播嘅兩首歌都ok,幾match
主題曲都唔差，可惜又係未睇晒就被半趕走‧‧‧
2006年02月01日
故事簡介:
一開始，就影霍元甲(李連杰 飾)挑戰四國嘅大力士
輕易易舉打敗三個，最後剩日本力士嘅挑戰‧‧‧
鏡頭一轉，返番霍元甲少年時代
霍元甲自幼體弱(好似哮喘)
見到爸爸打擂台輸了不服氣，挑戰人家兒子
被輕易打敗，於是，開似勤練武功，矢志成為天津第一
捷捷勝利，令到霍元甲自大起o來
周圍收徒弟，D徒弟有D質素差，到處賒數
霍元甲陷入財困
短時間內，在天津，霍元甲忌他的，只剩秦爺
一次，他徒弟被秦爺打到受傷，自尊驅使下，去挑戰秦爺
霍元甲唔理個日係秦爺生日照打
打打下殺紅了眼，秦爺重傷，幾日後死o左‧‧‧
霍元甲自責，秦爺仔為父報仇，殺霍元甲媽同女
再在霍元甲面前自殺，霍元甲不忍心殺秦爺妻女
崩潰下離去
去到一落後村莊，一盲女月慈(孫儷 飾)與他為伴，超顧起居
慢慢霍元甲開始清醒，亦從農村平凡生活學到平和心靈，不再好勝
決定回鄉，月慈含淚送走霍元甲
回鄉後，霍元甲拜祭父媽、女同秦爺，又向友人農勁蓀(董勇 飾)致歉
見報指英大力士力大無窮，指中國人為東亞病夫，決為國家出力
霍元甲在危急關頭救了英大力士，英大力士感激，承認霍元甲強
之後霍元甲創辦武術會
向友人農勁蓀表明戰勝四國大力士後，會返農村見月慈‧‧‧
最後一戰，第一局比武器打和
日代表怕輸，在茶落毒
霍元甲中毒噴血，叫在場人士唔使同佢報仇，只要中國人自強不息
霍元甲續打，全場吶喊自強不息、自強不息、自強不息
出完最後一拳，霍元甲不支倒地
日力士(中村獅童 飾)感霍元甲怕傷他臨尾收勁，高舉霍元甲手，承認落敗
全場為霍元甲歡呼喝彩
喺全場霍元甲、霍元甲、霍元甲下，霍元甲終於離去‧‧‧
一開始，我發現係普通話嘅，不過，其實由頭到尾都無睇過係咩語言就入場
睇睇下，都習慣咗，而且發現我『聽』普通話嘅能力都唔差，至少60%
有李連杰喺度，打戲就一定無走雞
場場都好精彩下，係唔太明點解四國大力士好似仲弱過之前o個D
故事本身唔算創新
不過，營造氣氛真係做得唔錯
好似李連杰妻女死咗，佢痛哭
喺河度又自殺，被救後，又頭髮，鬚超長&蓬鬆
極度滄桑又帶淒涼
最後一戰，全場大嗌自強不息同霍元甲支持佢嗰度
拍得超有感染力lor!!!
最後一場，李連杰夜空中耍拳，孫儷落淚
都叫相聚la，亦都係非常不錯嘅結尾
全片都叫做精彩啦
係打完英大力士同最後日力士中間，節奏慢咗D
同埋諗住聽埋周杰倫首歌
但係，首歌係出咗一段字幕先開始播lor，殘念‧‧‧
下兩套戲
目標: Touch、慕尼黑
2005年12月22日
今日睇咗King Kong
整體上係幾好嘅作品
可能係3粒鐘嘅關係
故事都交代得幾詳細
但係又唔會太有悶場
成個事件由肥佬導演(Jack Black - Tenacuious D 成員)引起
不顧一切為去骷髏島拍片，搞到一獲泡
骷髏島首先出現迫力十足嘅土著
真係幾恐佈下
女主角(Nacmi Watts)被拉做祭品
King Kong 登場
跟住King Kong 同女主角互動，fd咗
King Kong 為女激戰暴龍
被人活捉，最後到經典嘅帝國大廈激戰
故事大約係o甘
節奏安排頗好
畫面拍得幾靚
配樂都ok 啦
不過，某週刊俾90分，我就覺得無o甘高lor
2005年11月08日
中島美嘉做大崎娜娜真係型爆
一個好自我嘅形象
宮崎葵係小松奈奈
一個可愛又囉囉嗦嗦嘅角色
兩個都同戲內角色好配合
故事可能因為片長關係
實際內容唔多
多圍繞娜娜嘅背景同阿蓮嘅嘢
同埋奈奈嘅戀情
當然仲有娜娜同奈奈有緣相遇同住707(7與娜娜、奈奈日文同音)
一齊相處共同面對困難所編職嘅友情
節奏算正常啦
不過拍攝成日現在過去轉轉下有D唔o甘like
同埋band嘅focus太少(可能喺少女漫嘅關係啦
主題曲GLAMOROUS SKY-中島美嘉(NANA)當然正啦
不過發現插曲ENDLESS STORY - REIRA starring YUNA ITO 都幾好聽下
額外一題，睇咗第一期
感覺漫畫奈奈同戲有D分別
常知係乜自己睇啦
2005年11月03日
呢排真係好多想睇嘅戲
尤其日影多蘿蘿
今次到NANA世上的另一個我，日本大收
香港剛上
日本王道少女漫改編
我冇睇過，不過，我阿妹睇過話好正
故事:
小松奈奈（宮崎葵飾）前往東京
希望能與男友多點見面
在火車上，她剛好坐在新晉搖滾主音大崎娜娜（中島美嘉飾）身旁
二人於東京車站各走各路，但命運叫她倆因爭奪同一層房子而再遇，還成為了同屋主。
雖然性格迥異，但內向的娜娜與外向的奈奈相處融洽，成為好友。
娜娜遇上一位低音結他手，並為她的舊樂隊「黑石」帶來嶄新風格。
天真的奈奈終於發現愛情道路其實十分崎嶇。
失落中她得到一個好消息，就是贏得一張觀看她心愛樂隊TrapNest的演唱會門券。
豈料，娜娜竟拒絕與她一起看。
奈奈這才得知好友的秘密－－娜娜原來一直愛TrapNest 的結他手本城蓮
亦即是她的前度男友兼黑石樂隊的前低音結他手。
TrapNest 的演唱會掀開序幕，本城蓮在樂迷歡呼聲中踏上舞台。
娜娜靜靜坐到前排的位置上，眼淚隨記憶緩緩流下。
到底她和蓮的結局會是… (純copy Yahoo電影簡介)
中島美嘉型格演出
又有歌聽下，應該幾OK ge
另外，係Doom - 毀滅戰士
故事無謂多講
睇呢D劇種勝在唔使用腦，夠爽快
改編元祖PC Game 喺賣點
不過，對我嚟講，有The Rock 已經係好大嘅動力
唔知可唔可以兩套一齊睇晒呢
2005年10月30日
p>
終於喺Palace IFC 睇咗
睇完好困惑
被譽為愛情片王道，但係我其實唔係好get 到
有一種衝動
就係搵出其他人覺得好睇嘅地方
Search search 下
終於有成果
狂Study 下發現自己係凡夫俗子
因為人地get到嘅我唔係好get到
不過，開始明白情書精采嘅地方
可惜對我嚟講，情書好處得以下:
情書唯美嘅攝影的確唔錯
回憶部份幾好
中山美穗分飾兩個性格好不同嘅角色
但係，兩個都演得活生生，真係好厲害
配樂都ok,但較少…
仲有D喺睇完人地感想或資料諗到，費事寫
需然我我眼中嘅情書有缺陷
但係，既然喺他人心目中喺經典
不多提了
2005年10月11日
對我嚟講，電影版算係唔錯啦
雖然好多人話比TV削
但係，我又唔會將佢地直接比較
(不過，有時比較又好難避免)
電影版比人好真嘅感覺
D搞笑位有得o黎又唔會好似TVo甘誇
住人數，可能因篇幅所限得七個度
應援度無TVo甘高
但係，晌電車軌兩旁住人同電車男對話果度幾正
電影版果尾埋得好好，電車男嘅細心，打動愛馬仕嘅地方，充分表達
住人亦略有交代
仲有，原來電車同愛馬仕老早已有嘅緣份(雖然不可信)
演員有山田考之同中谷美紀
山田考之可謂見慣見熟
雖然無世中驚人喊戲發揮嘅機會，不過，木獨演技配電車男都幾絕
大變身都好有說服力，比TV版伊滕型好多
中谷美紀比我D fd 彈到體無完膚
的確同伊東比有好大距離，但係現實角度中谷始終合適D
現實嘅電車男點名話愛馬仕嘅人
亦令我真切明白到點解愛馬仕會o甘主動
相反，TV 睇伊東o個陣對愛馬仕嘅主動只係完全困惑
音樂方面，比電視版遜色
但係o個感覺幾match，稍為正經嘅配樂
須帶一提，我同班 fd 有等到最後唱晒Orange Range 嘅 Love Parade
睇埋TV cut 出嚟嘅少量片段先走
睇o黎睇電車男嘅人消息都唔係好靈通
得好少人撐到最後……
但係最唔須喺D工作人員有D趕人走嘅feel…
累到我唔能夠投入聽晒成首歌………….
(0)